PM Kisan Yojana : तुमच्या खात्यात 2000 रुपये जमा होणार की नाही तपासा ! 

PM Kisan yojana 19th Installment : देशभरातील कोट्यवधी शेतकऱ्यांना आर्थिक मदत करणाऱ्या प्रधानमंत्री किसान सन्मान निधी (PM Kisan Yojana) चा 19 वा हप्ता 24 फेब्रुवारी रोजी शेतकऱ्यांच्या खात्यात जमा होणार आहे. पंतप्रधान नरेंद्र मोदी बिहारमधून हा हप्ता वितरित करतील. मात्र, ई-केवायसी (e-KYC) न केल्यास हप्ता मिळणार नाही, त्यामुळे लवकरात लवकर प्रक्रिया पूर्ण करणे आवश्यक आहे.

ई-केवायसी का आहे आवश्यक?

• हप्त्याचा लाभ घेण्यासाठी ई-केवायसी अनिवार्य आहे.
• 18 व्या हप्त्याच्या वेळी, ई-केवायसी न केल्यामुळे मोठ्या संख्येने शेतकरी लाभापासून वंचित राहिले होते.
• सरकारकडून PM Kisan योजनेतील अपात्र लाभार्थ्यांना रोखण्यासाठी ई-केवायसी प्रक्रिया अनिवार्य करण्यात आली आहे.

मोबाईलद्वारे 2 मिनिटांत ई-केवायसी करण्याची प्रक्रिया

शेतकरी घरबसल्या मोबाईलवरून सहज ई-केवायसी करू शकतात. यासाठी स्मार्टफोन आणि इंटरनेट कनेक्शन आवश्यक आहे.

कसा कराल ई-केवायसी?

✅ Step 1: प्ले स्टोअरवरून PMKISAN GoI अॅप डाउनलोड करा.
✅ Step 2: अॅप उघडा आणि "कृषक (Farmer)" पर्याय निवडा.
✅ Step 3: लॉग इन करा आणि e-KYC पर्यायावर क्लिक करा.
✅ Step 4: आधार (UID) क्रमांक प्रविष्ट करा.
✅ Step 5: चेहरा स्कॅन करण्याचा पर्याय दिसेल, फोटो क्लिक करा.
✅ Step 6: यशस्वी प्रोसेस झाल्यावर स्क्रीनवर “Image Successfully Captured” असा संदेश दिसेल.
✅ Step 7: 24 तासांत ई-केवायसी अपडेट होईल आणि स्टेटस "Completed" दिसेल.

शेतकरी ओळखपत्रामुळे भविष्यात ई-केवायसीची गरज संपणार?

केंद्र सरकार लवकरच "शेतकरी ओळखपत्र" लागू करणार आहे. यामुळे शेतकऱ्यांना प्रत्येक वेळी ई-केवायसी करण्याची गरज भासणार नाही. सर्व सरकारी योजनांचे लाभ या ओळखपत्राद्वारे थेट खात्यात जमा होतील.

PM Kisan योजनेचा हप्ता वेळेवर मिळवायचा आहे? लगेच ई-केवायसी पूर्ण करा आणि 24 फेब्रुवारीला तुमच्या खात्यात 2000 रुपये जमा होणार की नाही, हे तपासा!