Magel Tyala Solar Pump ; सरकार देतेय 90% अनुदान! शेतकऱ्यांसाठी सौर कृषी पंप योजना घेऊन आली सुवर्णसंधी!

Magel Tyala Solar Pump : मागेल त्याला सौर कृषी पंप योजना: वेंडर निवड प्रक्रिया कशी करायची? जाणून घ्या संपूर्ण माहिती
केंद्र आणि राज्य सरकार शेतकऱ्यांसाठी अनेक लाभदायक योजना राबवत असतात. त्यातीलच एक महत्त्वाची योजना म्हणजे "मागेल त्याला सौर कृषी पंप योजना."

या योजनेच्या माध्यमातून शेतकऱ्यांना वीजेवरील अवलंबित्व कमी करून स्वयंपूर्ण सिंचनाचा मार्ग खुला करण्यात आला आहे. या योजनेचा लाभ घेण्यासाठी हजारो शेतकऱ्यांनी अर्ज केले आहेत. मात्र, अनेकांना अर्ज पूर्ण केल्यानंतर पुढील टप्प्यात वेंडर निवड कशी करायची? याची माहिती नसते. चला तर मग, ही प्रक्रिया सविस्तरपणे समजून घेऊया.

वेंडर निवड करण्याची प्रक्रिया कशी आहे?
सौर कृषी पंप योजनेच्या वेंडर निवडीसाठी महावितरण पोर्टलवर लॉगिन करा https://www.mahadiscom.in या वेबसाईटला भेट द्या. पोर्टलवर गेल्यानंतर ‘लाभार्थी सुविधा’ (Beneficiary Services) हा पर्याय निवडावा. त्यानंतर अर्ज क्रमांक किंवा एमटी आयडी / एमएस आयडी / एमके आयडी यापैकी कोणत्याही एका क्रमांकाचा वापर करून तुमच्या अर्जाची स्थिती तपासावी.

त्यानंतर अर्जाची सर्व माहिती आणि पेमेंट पूर्ण झाले आहे की नाही, याची पडताळणी करावी. जर तुमचे सर्व डिटेल्स योग्य असतील, तर तुम्हाला ‘Assign Vendor’ हा पर्याय उपलब्ध होईल. या पर्यायावर क्लिक केल्यावर तुमच्या जिल्ह्यातील उपलब्ध वेंडर्सची यादी दिसेल. त्यामधून योग्य वेंडरची निवड करून मोबाईलवर आलेला OTP सबमिट करावा. यामुळे वेंडरची अंतिम निवड निश्चित होईल. विशेष म्हणजे, वेंडरने तुमच्या जिल्ह्यात केलेल्या कामाची संपूर्ण माहिती देखील येथे उपलब्ध असेल.

सौर कृषी पंप योजनेची मुख्य वैशिष्ट्ये
ही योजना शेतकऱ्यांना स्वयंपूर्ण सिंचनाचा पर्याय उपलब्ध करून देणारी आहे. फक्त 10% खर्चात शेतकऱ्यांना संपूर्ण सौर संच (सोलर पॅनल आणि कृषी पंप) मिळतो, तर अनुसूचित जाती (SC) आणि अनुसूचित जमाती (ST) प्रवर्गातील शेतकऱ्यांसाठी हा खर्च फक्त 5% असतो. उर्वरित खर्च केंद्र व राज्य सरकारच्या अनुदानातून भागवला जातो.

शेताच्या क्षेत्रफळानुसार 3 HP ते 7.5 HP क्षमतेचे सौर पंप उपलब्ध आहेत. याशिवाय, पाच वर्षांसाठी दुरुस्ती सेवा आणि विमा संरक्षण या योजनेंतर्गत मिळते. सर्वात महत्त्वाचे म्हणजे वीजबिलाच्या झंझटीतून सुटका होते, कारण हा पंप सौर ऊर्जेवर चालतो. त्यामुळे वीज कपातीची चिंता करण्याची गरज नाही.

शेतकऱ्यांसाठी सुवर्णसंधी – अर्ज करण्यास विलंब नको!
ही योजना शेतकऱ्यांसाठी अतिशय फायद्याची ठरत आहे. शेतात अखंडित वीज मिळाल्यामुळे सिंचनाची कामे वेळेत पूर्ण करता येतात, तसेच विजेवरील अवलंबित्व कमी होते. जर तुम्ही अद्याप अर्ज केला नसेल, तर लवकरात लवकर महावितरण पोर्टलवर जाऊन अर्ज भरणे आणि वेंडर निवडणे गरजेचे आहे.

शेतकऱ्यांनी पारंपरिक शेतीसोबत आधुनिक तंत्रज्ञानाचा अवलंब करावा आणि सरकारी योजनांचा लाभ घेऊन आपल्या उत्पादनात वाढ करावी. सौर कृषी पंप योजनेचा फायदा घेऊन तुमचे शेती उत्पन्न वाढवा आणि विजेच्या खर्चातून सुटका मिळवा!