Ladki Bahin योजनेचे 1500 रुपये आजपासून खात्यात होणार जमा! 3490 कोटींचा निधी मंजूर

Ladki Bahin Yojana:- राज्यातील महिलांसाठी एक मोठी आणि महत्त्वाची बातमी समोर आली आहे. मुख्यमंत्री माझी लाडकी बहीण योजना अंतर्गत महिलांना दरमहा 1500 रुपये मिळतात, आणि फेब्रुवारी महिन्याचा हप्ता वेळेच्या आधीच त्यांच्या खात्यात जमा होणार असल्याचे स्पष्ट झाले आहे. मिळालेल्या माहितीनुसार, फेब्रुवारीचा हप्ता 19 फेब्रुवारीपासून जमा होण्यास सुरुवात होईल. यासाठी राज्याच्या वित्त विभागाने तब्बल 3490 कोटी रुपये वर्ग केले आहेत. मात्र, यावेळी लाभार्थींच्या संख्येत घट होण्याची शक्यता आहे, कारण अनेक महिलांना अपात्र ठरवले जात आहे.

लाडक्या बहिणी योजनेतून नऊ लाख महिला अपात्र

गेल्या काही महिन्यांमध्ये या योजनेसाठी मोठ्या प्रमाणावर अर्ज आले होते. डिसेंबर अखेर 2 कोटी 46 लाख महिला लाभार्थी होत्या. मात्र, त्यानंतर 5 लाख महिलांना अपात्र ठरवण्यात आले आणि जानेवारी अखेर लाभार्थींची संख्या 2 कोटी 41 लाखांवर आली. फेब्रुवारी महिन्यातही अजून 4 लाख महिलांना अपात्र ठरवले जाणार असल्याची शक्यता आहे, त्यामुळे ही संख्या आणखी घटण्याची शक्यता आहे. जर या नव्या यादीनुसार 9 लाख महिलांना अपात्र ठरवले गेले, तर राज्य सरकारच्या तब्बल 945 कोटी रुपयांची बचत होणार आहे.

कोणत्या महिला झाल्या अपात्र?

योजनेतून अपात्र ठरणाऱ्या महिलांमध्ये मुख्यतः नमो शेतकरी योजनेचा लाभ घेणाऱ्या 5 लाख महिलांचा समावेश आहे. या महिलांना आता लाडकी बहीण योजनेतून केवळ 500 रुपये मिळणार असून, उर्वरित 1000 रुपये त्यांना नमो शेतकरी योजनेतून मिळतील. तसेच, दिव्यांग विभागातून वेगळ्या स्वरूपात अनुदान घेणाऱ्या महिलांना लाडकी बहीण योजनेतून वगळण्यात आले आहे.

याशिवाय, खासगी वाहने असलेल्या सुमारे 2.5 लाख महिलांनाही अपात्र ठरवण्यात आले आहे, कारण या महिलांची आर्थिक स्थिती तुलनेने चांगली असल्याने त्यांना योजनेचा लाभ दिला जाणार नाही.

ही योजना सुरू करताना राज्य सरकारने 21 ते 65 वयोगटातील आर्थिक दुर्बल महिलांना दरमहा 1500 रुपये देण्याचे उद्दिष्ट ठेवले होते. पात्र महिलांचे वार्षिक कौटुंबिक उत्पन्न 2.5 लाख रुपयांपेक्षा कमी असावे, असे सरकारने ठरवले आहे. विधानसभा निवडणुकीपूर्वी सुरू झालेल्या या योजनेमुळे लाखो महिलांना आर्थिक मदत मिळत आहे.

फेब्रुवारी महिन्याचा हप्ता वेळेच्या आधी जमा होणार असल्याने अनेक महिलांना दिलासा मिळणार असला, तरी अपात्र ठरलेल्या महिलांनी आपली पात्रता तपासून घेतली पाहिजे. जर एखाद्या महिलेने चुकीची माहिती दिल्याने अपात्र ठरवले गेले असेल, तर आवश्यक सुधारणा करून पुन्हा अर्ज करण्याची संधी मिळू शकते.

राज्य सरकारच्या या योजनेमुळे आर्थिकदृष्ट्या दुर्बल महिलांना मोठा फायदा होतो आहे. मात्र, शासनाने पात्रतेचे निकष काटेकोरपणे तपासायला सुरुवात केल्याने लाभार्थ्यांची संख्या हळूहळू कमी होत आहे. त्यामुळे महिलांनी आपल्या अर्जाची स्थिती तपासावी आणि आवश्यक असल्यास संबंधित सरकारी कार्यालयात जाऊन आपली पात्रता निश्चित करून घ्या