गव्हाच्या पिकात ‘हे’ 500 मिलीचं औषध फवारा विक्रमी उत्पादन मिळणार !
Wheat Farming : सध्या संपूर्ण देशभर रब्बी हंगाम सुरू आहे. रब्बी हंगामातील गहू हरभरा समवेतच सर्वच पिके वाढीच्या अवस्थेत आहेत. यातील मुख्य रब्बी पीक गव्हाची पेरणी होऊन 20 ते 25 दिवस उलटले आहेत. काही ठिकाणी याहीपेक्षा अधिक दिवसांचा कालावधी झाला आहे. म्हणजेच गव्हाचे पीक आता अगदीच महत्त्वाच्या टप्प्यात आले आहे.
अशातच आता कृषी तज्ञांनी गहू उत्पादक शेतकऱ्यांना महत्त्वाचा सल्ला दिला आहे. खरेतर, सध्या शेतकरी गहू पिकाला पहिले पाणी देत आहेत. याशिवाय खत देण्यासही हा काळ योग्य आहे. कारण हीच वेळ आहे जेव्हा गव्हाच्या पिकात सर्वात जास्त लोंब्या तयार होत असतात.
मात्र गव्हाच्या पिकात लोब्यांची संख्या वाढवण्यासाठी पिकाला पुरेसे पोषण मिळणे महत्त्वाचे आहे. अशा स्थितीत, शेतकऱ्यांनी गहू पिकात संतुलित प्रमाणात खतांचा वापर करावा. त्यामुळे पीक लवकर वाढते आणि लोब्यांची संख्याही वाढते. जर लोंब्या जास्त असतील उत्पादनही जास्त होते.
दरम्यान आज आपण गव्हाचे उत्पादन वाढवण्यासाठी शेतकऱ्यांनी काय उपाययोजना करायला हव्यात याबाबत माहिती पाहणार आहोत. कृषी तज्ञांनी सांगितल्याप्रमाणे, गहू पिकाला पहिले पाणी 21 ते 25 दिवसांनी द्यावे. तसेच पहिले पाणी दिल्यानंतर 5 ते 6 दिवसांनी म्हणजे जेव्हा शेतात वाफसा असतो तेव्हा नायट्रोजन म्हणजेच युरियाची फवारणी करावी.
1 एकर गहू पिकावर 40 ते 50 किलो युरियाची फवारणी करावी. युरियामध्ये आढळणाऱ्या नायट्रोजनमुळे पीक हिरवीगार होते आणि लोंब्या झपाट्याने येऊ लागतात. याशिवाय शेतकरी सेंद्रिय उत्पादन सागरिका या औषधाची फवारणीही करू शकतात. जे गहू पिकासाठी खूप फायदेशीर ठरू शकते.
सागरिका हे इफ्को कंपनीने तयार केलेले सेंद्रिय खत आहे जे सीव्हीडपासून बनवले जाते. हे पिकाच्या वाढीस आणि पीक उत्पादनात वाढ करण्यास मदत करते. सागरिका लाल आणि तपकिरी सीव्हीडपासून तयार केलें जाते.
त्यात नैसर्गिकरीत्या वनस्पतींची वाढ घडवून आणणारे घटक ऑक्सिन, सायटोकिनिन आणि गिबेरेलिन असतात. सागरिका वनस्पतींची मुळे मजबूत करते आणि वनस्पतींच्या वाढीस प्रोत्साहन देते. युरिया दिल्यानंतर सागरिका वापरण्याचा सल्ला दिला जातो.
शेतकऱ्यांनी 500 मिली सागरिका 120 लिटर पाण्यात मिसळून एक एकर गहू पिकावर फवारणी करावी, असा सल्ला कृषी तज्ञांनी दिला आहे. त्याचा परिणाम आठवडाभरानंतर शेतकऱ्यांना दिसेल. झाडे हिरवीगार होतील आणि लोंब्या झपाट्याने निघू लागतील, पिकही मजबूत होईल. ५०० मिली सागरिकाची किंमत २७५ रुपये एवढीचं आहे.
