वेळेपूर्वी कर्ज फेडणाऱ्यांसाठी खुशखबर! RBI च्या नव्या निर्णयामुळे होणार मोठा फायदा.. लवकर कर्ज फेडून पैसे वाचवा

RBI New Decision:- जर तुम्ही गृहकर्ज किंवा वैयक्तिक कर्ज घेतले असेल आणि ते वेळेपूर्वी परतफेड करण्याचा विचार करत असाल, तर ही बातमी तुमच्यासाठी महत्त्वाची आहे. रिझर्व्ह बँक ऑफ इंडियाने (RBI) नवीन मसुदा मार्गदर्शक तत्त्वे जारी केली आहेत, ज्यामुळे कर्जदारांना मोठा दिलासा मिळणार आहे. या नियमांनुसार, फ्लोटिंग व्याजदर असलेल्या कर्जांवर आकारले जाणारे फोरक्लोजर शुल्क आणि प्रीपेमेंट दंड पूर्णतः रद्द करण्याचा प्रस्ताव आहे. त्यामुळे गृहकर्ज आणि वैयक्तिक कर्ज वेळेपूर्वी फेडण्यास इच्छुक असलेल्या ग्राहकांसाठी हा निर्णय फायदेशीर ठरणार आहे.

RBI कडून नवीन नियमांची अंमलबजावणी

RBI ने 21 मार्च 2025 पर्यंत या नियमांवर जनतेकडून मते मागितली आहेत. अंतिम परिपत्रकानंतर हे नवीन नियम लागू होतील आणि सर्व बँका तसेच बिगर-बँकिंग वित्तीय कंपन्यांना (NBFC) बंधनकारक असतील. या निर्णयामुळे कर्जदारांसाठी स्पष्टता आणि पारदर्शकता वाढेल आणि ते सहजतेने आपले कर्ज परतफेड करू शकतील.

व्यवसाय कर्जांवर मात्र सूट नाही

नवीन नियमांनुसार, जर कोणी फ्लोटिंग व्याजदरावर कर्ज घेतले असेल, तर ते वेळेपूर्वी फेडताना कोणतेही अतिरिक्त शुल्क किंवा दंड भरावा लागणार नाही. मात्र, व्यावसायिक कर्जांसाठी हा नियम लागू होणार नाही. तसेच लघु व्यवसाय (MSE) आणि वैयक्तिक कर्जदारांसाठीही हा दिलासा मिळणार आहे. मात्र, काही सहकारी बँका आणि NBFC यांना यामध्ये सूट देण्यात आली आहे.

फ्लोटिंग व्याजदर म्हणजे काय?

फ्लोटिंग रेट लोन म्हणजे असे कर्ज, ज्याचा व्याजदर बदलत्या बाजारभावानुसार कमी-जास्त होतो. हे व्याजदर प्रामुख्याने RBI च्या रेपो दर किंवा बँकेच्या MCLR (मार्जिनल कॉस्ट ऑफ फंड्स बेस्ड लेंडिंग रेट) वर अवलंबून असतात. त्यामुळे कर्जदाराला बाजारातील स्थिती बदलत असताना कमी व्याजदराचा फायदा मिळू शकतो. मात्र, जर व्याजदर वाढले, तर कर्जदाराला अधिक पैसे द्यावे लागू शकतात.

RBI च्या निर्णयामुळे कर्जदारांना मोठा दिलासा

सध्या RBI व्याजदर कमी करण्याच्या दिशेने पावले उचलत आहे. याचा थेट फायदा फ्लोटिंग व्याजदर असलेल्या कर्जदारांना होणार आहे. नुकत्याच जाहीर झालेल्या धोरणांनुसार, RBI ने रेपो दरात 25 बेसिस पॉइंटने कपात केली आहे, त्यामुळे आगामी काळात कर्जदारांच्या EMI मध्ये कपात होण्याची शक्यता आहे.

नव्या नियमांचा फायदा कसा होईल?

गृहकर्ज आणि वैयक्तिक कर्ज फेडणे सोपे होईल. तसेच कर्ज वेळेपूर्वी फेडताना अतिरिक्त दंड भरण्याची गरज नाही.बँका आणि NBFC कडून पूर्ण पारदर्शकता मिळेल.कर्जदारांना कमी व्याजदराचा लाभ घेता येईल.

काय करावे?

जर तुम्ही गृहकर्ज किंवा वैयक्तिक कर्ज घेतले असेल आणि ते वेळेपूर्वी परतफेड करण्याचा विचार करत असाल, तर नवीन नियमांच्या अंमलबजावणीची वाट पाहा. RBI कडून अंतिम निर्णय जाहीर झाल्यानंतर, तुमच्या बँकेकडून अधिकृत माहिती घेऊन योग्य निर्णय घ्या.