Railway Ticket: गर्दीचा प्रश्नच नाही! ‘ही’ ट्रिक वापरा आणि मिळवा कन्फर्म रेल्वे तिकीट अवघ्या 10 मिनिटात

Railway Ticket Tricks:- भारतीय रेल्वे हे प्रवाशांसाठी सर्वात सोयीस्कर आणि परवडणारे वाहतूक साधन आहे. मात्र, तिकीट आरक्षणाचा प्रश्न अनेक प्रवाशांसाठी मोठी अडचण ठरतो, विशेषतः सणासुदीच्या काळात किंवा प्रवास तडकाफडकी ठरवल्यास. तत्काळ तिकीट हे एक पर्याय असले, तरी त्यासाठी 24 तास आधीच बुकिंग करावे लागते, जे प्रत्येक वेळी शक्य नसते. पण आता रेल्वेने आणलेली एक नवीन सुविधा प्रवाशांसाठी खूप फायदेशीर ठरत आहे.

करंट तिकीट म्हणजे काय?

रेल्वे प्रवास सुरू होण्याच्या काही तास आधी, आरक्षित तिकीट उपलब्ध नसल्यास काही सीट रिकाम्या राहतात. त्या प्रवाशांसाठी "करंट तिकीट" हा पर्याय खुला केला जातो. याचा फायदा म्हणजे तुम्ही प्रवास सुरू होण्याच्या अगदी 3 ते 4 तास आधी किंवा काही वेळा 10 मिनिटं आधीही कन्फर्म तिकीट बुक करू शकता.

करंट तिकीट बुक करण्यासाठी दोन पर्याय

IRCTC वेबसाइट किंवा अ‍ॅपद्वारे – तुम्ही ऑनलाईन लॉगिन करून करंट तिकीटासाठी त्वरित अर्ज करू शकता.

रेल्वे स्टेशनवरील तिकीट काउंटरवर जाऊन – प्रवासाच्या 3-4 तास आधी तुम्ही थेट तिकीट मिळवण्याचा प्रयत्न करू शकता.
करंट तिकीट मिळवण्याची ‘ही’ ट्रिक तुमच्या उपयोगी पडेल!

प्रवास होण्याच्या वेळेच्या अगदी आधी तपासा: रेल्वे स्टेशन किंवा IRCTC अ‍ॅपवर शेवटच्या क्षणी उपलब्ध असलेल्या

सीट्सबाबत माहिती मिळवा.

वेळोवेळी अपडेट्स पहा: अनेकदा प्रवासी तिकीट रद्द करतात आणि त्या सीट करंट बुकिंगसाठी खुल्या होतात.

रेल्वेच्या अधिकृत अ‍ॅपचा वापर करा: स्टेशनवर तिकीट खिडकीवर जाण्यापेक्षा ऑनलाईन बुकिंग केल्यास अधिक सोपी प्रक्रिया होईल.

लास्ट-मिनिट सीट उपलब्ध होऊ शकतात: काही वेळा 5-10 मिनिटे आधीही तिकीट मिळण्याची शक्यता असते, त्यामुळे प्रयत्न सोडू नका.

तडकाफडकी प्रवासासाठी आता चिंता नाही

अखेरच्या क्षणी प्रवासाचा बेत आखला तरी आता तिकीट मिळवणे अधिक सोपे झाले आहे. करंट तिकीट बुकिंग ही रेल्वेची एक महत्त्वाची सुविधा असून ती प्रवाशांना मोठा दिलासा देते. त्यामुळे गर्दी कितीही असो, योग्य पद्धतीने ही सुविधा वापरल्यास तुमचे तिकीट हमखास कन्फर्म होईल.