Personal Loan: पर्सनल लोन न भरल्यास बँक कोणती कारवाई करू शकते? लोन न भरणाऱ्यांनी नक्की वाचा

Personal Loan:- आजच्या वाढत्या महागाईच्या काळात एखाद्या मोठ्या गरजेच्या वेळी अनेकजण लोन घेण्याचा पर्याय निवडतात. इतर लोनच्या तुलनेत पर्सनल लोन अधिक सोयीस्कर मानले जाते, कारण यासाठी फारशी कागदपत्रे लागत नाहीत आणि ते पटकन उपलब्ध होते. मात्र, जर तुम्ही वेळेवर पर्सनल लोन फेडले नाही, तर त्याचे गंभीर परिणाम होऊ शकतात. या लोनवरील व्याजदर तुलनात्मकदृष्ट्या जास्त असल्यामुळे अनेक ग्राहकांना नियमित हप्ते (EMI) भरणे कठीण होते. जर तुम्ही पर्सनल लोन घेतले असेल किंवा घेण्याचा विचार करत असाल, तर त्याचे डिफॉल्ट (EMI न भरणे) केल्यास काय परिणाम होऊ शकतात, हे जाणून घेणे आवश्यक आहे.

पर्सनल लोनचा हप्ता वेळेवर भरला नाही तर काय होईल?

जर तुम्ही पर्सनल लोनचा हप्ता वेळेवर भरला नाही, तर सर्वात पहिला आणि मोठा परिणाम तुमच्या CIBIL स्कोरवर होतो. क्रेडिट स्कोर हे कोणतेही लोन मिळवण्यासाठी महत्त्वाचे असते. एकदा का लोन डिफॉल्ट झाले की तुमचा CIBIL स्कोर घसरतो आणि भविष्यात कोणतेही लोन मिळवणे कठीण होते. खराब CIBIL स्कोअरमुळे बँका आणि इतर वित्तीय संस्था तुम्हाला अविश्वसनीय ग्राहक मानतात आणि पुढीलवेळी लोन मंजुरीसाठी तुमच्यावर मर्यादा येतात. त्यामुळे, आर्थिक गरज असताना लोन मिळवण्यात अडचणी निर्माण होऊ शकतात.

पर्सनल वेळेवर फेडले नाहीतर

जर तुम्ही पर्सनल लोन वेळेवर फेडले नाही, तर बँक कायदेशीर कारवाई करण्याचा मार्ग अवलंबू शकते. बँक किंवा वित्तीय संस्था सिव्हिल कोर्टात दावा दाखल करू शकते. या अंतर्गत तुमच्या संपत्तीवर जप्ती आणण्याची कारवाई केली जाऊ शकते किंवा तुमचा पगार थांबवण्याची मागणी केली जाऊ शकते.

जर एखादी व्यक्ती जाणूनबुजून EMI भरत नसेल किंवा टाळाटाळ करत असेल, तर भारतीय दंड संहिता (IPC) 420 अंतर्गत फसवणुकीचा गुन्हा दाखल केला जाऊ शकतो. यामुळे संबंधित व्यक्तीला तुरुंगवास भोगावा लागू शकतो आणि अतिरिक्त दंडही भरावा लागू शकतो. त्यामुळे, पर्सनल लोन घेताना त्याच्या परतफेडीबाबत जागरूक राहणे अत्यावश्यक आहे.

लोन वसुलीसाठी बँका विविध प्रकारच्या पद्धती

लोन वसुलीसाठी बँका विविध प्रकारच्या पद्धती वापरतात. जर लोनधारकाने वेळेवर हप्ता भरला नाही, तर बँक Recovery Agencies ची मदत घेते. या एजन्सी लोनधारकांशी थेट संपर्क साधून कर्जाची रक्कम वसूल करण्याचा प्रयत्न करतात. या एजन्सी सतत फोन कॉल किंवा प्रत्यक्ष भेटीद्वारे कर्ज फेडण्याच्या सूचना देतात.

काही वेळा त्यांच्या वर्तणुकीमुळे ग्राहकांना मानसिक तणाव आणि चिंता जाणवू शकते. मात्र, ग्राहकांच्या हक्कांचे संरक्षण करण्यासाठी भारतीय रिझर्व्ह बँकेने (RBI) काही मार्गदर्शक तत्त्वे जारी केली आहेत. या नियमानुसार, बँकांनी कर्जदाराला आधी नोटीस पाठवणे आवश्यक आहे. तसेच, वसुली प्रक्रियेत ग्राहकांशी सन्मानपूर्वक वागावे लागते आणि कोणत्याही प्रकारे छळवणूक होऊ नये, याची काळजी घ्यावी लागते.

पर्सनल लोन फेडण्यात अडचण येत असेल तर

जर तुम्हाला पर्सनल लोन फेडण्यात अडचण येत असेल, तर तत्काळ बँकेशी संपर्क साधा. बँक अनेकदा लवचिक पर्याय उपलब्ध करून देते, जसे की EMI मध्ये बदल किंवा पेमेंट स्थगिती. जर तुमच्या आर्थिक परिस्थितीमध्ये मोठ्या अडचणी असतील, तर बँकेशी चर्चा करून लोन सेटलमेंटचा पर्याय निवडता येतो. यामध्ये एकरकमी रक्कम भरून लोन क्लोज करता येते. मात्र, लोन सेटलमेंट केल्यानेही तुमच्या क्रेडिट स्कोरवर नकारात्मक परिणाम होतो, त्यामुळे हा पर्याय अंतिम उपाय म्हणून वापरावा.

पर्सनल लोन वेळेवर न फेडल्यास तुमच्या आर्थिक आणि वैयक्तिक जीवनावर गंभीर परिणाम होऊ शकतात. खराब CIBIL स्कोअरमुळे भविष्यात लोन मिळणे कठीण होते. तसेच, बँकेकडून कायदेशीर कारवाईचा सामना करावा लागू शकतो, ज्यामुळे तुमची मालमत्ता जप्त होण्याची किंवा तुरुंगवासाची शक्यता असते. त्यामुळे, जर तुम्ही पर्सनल लोन घेतले असेल किंवा घेण्याचा विचार करत असाल, तर त्याचा हप्ता वेळेवर भरणे अत्यंत महत्त्वाचे आहे. आर्थिक अडचण आल्यास बँकेशी तत्काळ संपर्क साधून उपलब्ध पर्यायांबद्दल चर्चा करा आणि कायदेशीर गुंतागुंतींपासून स्वतःचे संरक्षण करा.