मुंबईकरांसाठी मोठी बातमी ! नवी मुंबई विमानतळ प्रवाशांसाठी कधी खुले होणार ?

मुंबईतील वाढती गर्दी आणि नवी मुंबई विमानतळाचा विकास

गेल्या ७० वर्षांत मुंबईची लोकसंख्या तब्बल १० पट वाढली आहे, मात्र मुंबईतील छत्रपती शिवाजी महाराज आंतरराष्ट्रीय विमानतळाची (CSMIA) क्षमता मर्यादित असल्याने नवीन विमानतळाची गरज निर्माण झाली होती. रायगड जिल्ह्यातील उलवे येथे बांधण्यात आलेल्या या विमानतळामुळे मुंबई विमानतळावरील ताण कमी होणार आहे. NMIA सुरू झाल्यानंतर मुंबईच्या T1 आणि T2 टर्मिनलवरील काही उड्डाणे नव्या विमानतळावर हलवली जातील.

T1 टर्मिनल ऑक्टोबर 2025 मध्ये होणार बंद

सध्या मुंबई विमानतळ वर्षाला सुमारे 5.5 कोटी प्रवाशांना सेवा देतो. मात्र, यातील 1.1 कोटी प्रवासी पुढील काही महिन्यांत नवी मुंबई विमानतळावरून प्रवास करतील. मुंबई विमानतळाच्या T1 टर्मिनलचे पुनर्बांधणीसाठी ऑक्टोबर 2025 मध्ये बंद करण्याची योजना आहे. 2029 पर्यंत हे टर्मिनल पुन्हा सुरू होईल, त्यानंतर मुंबई विमानतळाची प्रवासी क्षमता 2 कोटींवर जाण्याची शक्यता आहे.

नवी मुंबई विमानतळ कसा असेल?

• सुरुवातीला T1 टर्मिनल आणि एक धावपट्टी (Runway) कार्यान्वित केली जाईल.
• 2029 पर्यंत T2 टर्मिनल देखील उभारले जाणार आहे, ज्यामुळे विमानतळाची क्षमता आणखी वाढेल.
• T1 टर्मिनल पूर्ण क्षमतेने 2026 पर्यंत कार्यान्वित होईल.
• T2 टर्मिनल उभारल्यानंतर प्रवासी वाहतुकीची क्षमता 40 दशलक्षवरून 4.5 दशलक्षपर्यंत वाढवली जाणार आहे.

मुंबई विमानतळावरील प्रवासी वाहतुकीतील बदल

सध्या मुंबईच्या T1 टर्मिनलमधून दरवर्षी 1.5 कोटी प्रवासी प्रवास करतात. त्यातील 1 कोटी प्रवाशांचे उड्डाण ऑक्टोबर 2025 पर्यंत नवी मुंबई विमानतळावर हलवले जाईल. उर्वरित 50 लाख प्रवासी मुंबईतील T2 टर्मिनलमधून प्रवास करतील. पुढील काही वर्षांत, मुंबई आणि नवी मुंबई या दोन्ही विमानतळांमधून होणाऱ्या प्रवासी वाहतुकीत मोठी वाढ होण्याची शक्यता आहे.

2029 पर्यंत नवी मुंबई विमानतळ पूर्ण क्षमतेने सुरू

2029 मध्ये नवी मुंबई आंतरराष्ट्रीय विमानतळाचा T2 टर्मिनल पूर्ण क्षमतेने कार्यान्वित होईल. या नव्या टर्मिनलमुळे प्रवासी वाहतूक अधिक सुव्यवस्थित होईल आणि मुंबईसाठी नवा हवाई दळणवळण केंद्र उभारले जाईल. त्यामुळे महाराष्ट्राला एक नवे जागतिक दर्जाचे विमानतळ मिळणार आहे.

नवी मुंबई विमानतळामुळे होणारे फायदे

• मुंबई विमानतळावरील वाढत्या प्रवासी भारावर नियंत्रण मिळेल.
• नवी मुंबई, रायगड, पुणे आणि ठाणे या भागातील प्रवाशांसाठी अधिक सोयीस्कर पर्याय उपलब्ध होईल.
• व्यावसायिक वाहतुकीसाठी नवीन संधी निर्माण होतील.
• आंतरराष्ट्रीय कनेक्टिव्हिटी अधिक वाढेल आणि हवाई वाहतुकीसाठी मुंबईला नवा हब मिळेल.

नवी मुंबई विमानतळाचा प्रकल्प संपूर्ण महाराष्ट्रासाठी परिवर्तनकारी पाऊल ठरणार आहे, ज्यामुळे मुंबई आणि आसपासच्या भागाच्या हवाई वाहतुकीत अमूलाग्र बदल घडून येईल.