Home Buying Tips: घर खरेदी करताय! बिल्डर तुम्हाला कसा लुटतो? एक्सपर्टने केला मोठा खुलासा?

Home Buying Care Tips:- रिअल इस्टेटमध्ये गुंतवणुकीचा कल दिवसेंदिवस वाढत आहे. मोठ्या शहरांपासून ते लहान शहरांपर्यंत घर, फ्लॅट आणि जमीन खरेदीस मोठ्या प्रमाणावर पसंती मिळत आहे. मात्र, याच वाढत्या मागणीचा फायदा घेत अनेक बांधकाम व्यावसायिक (बिल्डर्स) ग्राहकांना आकर्षित करण्यासाठी विविध आश्वासने देतात आणि काही वेळा मोठ्या फसवणुकीतही अडकवतात.

याच संदर्भात विस्डम हॅचचे संस्थापक अक्षत श्रीवास्तव यांनी गुंतवणूकदारांना इशारा दिला आहे. त्यांनी सांगितले की, भारतातील काही बांधकाम व्यावसायिकांनी रिअल इस्टेटला सट्टेबाजीसारखे स्वरूप दिले आहे, जिथे बाजारातील चलनवाढ आणि कृत्रिम मागणीच्या आधारावर घरांचे दर सातत्याने वाढत राहतात.

फ्लॅट खरेदी करताना या फसवणुकींवर लक्ष ठेवा

श्रीवास्तव यांच्या म्हणण्यानुसार, बिल्डर्स ग्राहकांना आकर्षित करण्यासाठी अनेक वेगवेगळ्या युक्त्या वापरतात. उदाहरणार्थ, "फ्लॅटची किंमत कधीच कमी होत नाही," "आता विकत घ्या आणि काही महिन्यांत दुप्पट किंमतीत विकू शकता," किंवा "आमचा पहिला टॉवर इतक्या मोठ्या किमतीत विकला गेला, आता दुसऱ्या टॉवरची किंमत आणखी वाढली आहे." अशा प्रकारच्या जाहिरातींनी ग्राहकांची दिशाभूल केली जाते आणि त्यांना बांधकामाधीन प्रकल्पांमध्ये गुंतवण्यास भाग पाडले जाते.

श्रीवास्तव यांच्या मते, बांधकाम व्यावसायिक बांधकाम सुरू असलेल्या मालमत्तांवर सुलभ पेमेंट योजना आणतात, EMI लवचिक करतात आणि ग्राहकांना पुढील १५-२० वर्षांसाठी आर्थिकदृष्ट्या अडकवतात. ग्राहकांना वाटते की ते उत्तम सौदा करत आहेत, पण प्रत्यक्षात ते मोठ्या प्रमाणावर कर्जाच्या ओझ्याखाली जातात.

REITs मधील गुंतवणूक किती सुरक्षित?

श्रीवास्तव यांनी REITs (Real Estate Investment Trusts) संदर्भातही महत्त्वाचा मुद्दा उपस्थित केला. त्यांच्या मते, REITs हे गुंतवणुकीचे आणखी एक धोकादायक माध्यम आहे. अमेरिका, यूएई यांसारख्या देशांमध्ये REITs यशस्वी ठरल्या असल्या, तरी भारतात कायद्यांची अंमलबजावणी कमकुवत असल्याने तेथे मोठ्या प्रमाणावर गैरव्यवहार होऊ शकतो. अनेक आर्थिकदृष्ट्या अशिक्षित गुंतवणूकदार REITs ला सुरक्षित पर्याय समजतात, मात्र ते प्रत्यक्षात किती फसवे ठरू शकतात, याबाबत जागरूक राहणे गरजेचे आहे.

सट्टेबाज बाजाराचा सापळा आणि त्यातून सुटण्याचा मार्ग

भारतातील वाढत्या लोकसंख्येमुळे रिअल इस्टेटची मागणी वाढत आहे, त्यामुळे घरांच्या किंमतीही सतत वाढत आहेत. परंतु, काही ठिकाणी ही वाढ नैसर्गिक नसून कृत्रिमरित्या तयार करण्यात आलेली असते. त्यामुळे फ्लॅट किंवा घर खरेदी करण्यापूर्वी त्या प्रोजेक्टची सखोल चौकशी करणे आवश्यक आहे.

श्रीवास्तव यांच्या मते, जर एखादा ग्राहक गुंतवणुकीच्या हेतूने घर खरेदी करत असेल, तर त्याने बांधकामाधीन प्रकल्पांऐवजी पूर्ण झालेल्या मालमत्तांमध्ये गुंतवणूक करावी. तसेच, REITs मध्ये गुंतवणूक करण्यापूर्वी त्यासंबंधीचे संपूर्ण ज्ञान घेणे आवश्यक आहे.

घर खरेदी करताना कोणत्या गोष्टी तपासाव्यात?

बिल्डरचा ट्रॅक रेकॉर्ड: पूर्वीचे प्रकल्प वेळेवर पूर्ण झाले आहेत का, याची खात्री करा.

RERA नोंदणी: तुमचा प्रकल्प RERA मध्ये नोंदणीकृत आहे का, हे तपासा.

कागदपत्रांची तपासणी: करारातील अटी काळजीपूर्वक वाचा आणि लॉयरकडून त्याची पडताळणी करून घ्या.

बांधकामाची प्रगती: घर बांधकामाच्या कोणत्या टप्प्यावर आहे आणि त्याची अंदाजे पूर्णता तारीख कोणती आहे, याची माहिती घ्या.

लवचिक EMI योजनांपासून सावध रहा: सुरुवातीला EMI कमी असतो पण पुढे त्याचा बोजा वाढतो का, हे बघा.

सावध राहा आणि योग्य निर्णय घ्या

रिअल इस्टेटमध्ये गुंतवणूक करताना भावनिक निर्णय न घेता, बाजाराचा अभ्यास करूनच पुढे जाणे गरजेचे आहे. बांधकाम व्यावसायिकांचे प्रलोभन टाळा आणि तुमच्या आर्थिक सुरक्षिततेला प्राधान्य द्या.