काळजी घ्या! भारतावर पुन्हा चक्रीवादळाचे सावट, ‘या’ राज्यांमध्ये मुसळधार पाऊस; IMD ची चेतावणी

Havaman Andaj : देशातील काही राज्यांमध्ये गेल्या काही दिवसापासून थंडीची लाट आली आहे. राज्यात सुद्धा उत्तर महाराष्ट्रासहित अनेक ठिकाणी कडाक्याच्या थंडीला सुरुवात झाली आहे. पण अशातच मात्र हवामानात मोठा बदल झाला आहे. बंगालच्या उपसागरात चक्रीवादळ निर्माण होण्याची शक्यता आहे.

याचा परिणाम म्हणून देशातील काही राज्यांमध्ये मुसळधार पाऊस हजेरी लावणार असा अंदाज देण्यात आला आहे. आपल्या महाराष्ट्रात देखील ढगाळ हवामान आणि अगदीच तुरळक ठिकाणी किरकोळ स्वरूपाच्या पावसाची शक्यता वर्तवण्यात आली आहे.

आय एम डी ने दिलेल्या माहितीनुसार बंगालच्या उपसागरात जे चक्रीवादळ तयार होणार आहे त्याला फेंगल असे नाव देण्यात आले आहे, यामुळे दक्षिण भारतातील काही राज्यांमध्ये मुसळधार पावसाचा इशारा देण्यात आला आहे.

सुमात्रा किनाऱ्याजवळ आणि लगतच्या दक्षिण अंदमान समुद्राजवळ विषुववृत्तीय हिंद महासागरावर वरचे हवेचे चक्रीवादळ दिसले आहे. ही प्रणाली 23 नोव्हेंबरपर्यंत कमी दाबाच्या क्षेत्रात बदलू शकते, त्यानंतर ती आणखी तीव्र होण्याची शक्यता आहे.

याचा परिणाम म्हणून येत्या काही दिवसांत केरळ, तामिळनाडू, आंध्र प्रदेश इत्यादी ठिकाणी मुसळधार पाऊस पडू शकतो. ही प्रणाली पश्चिम-वायव्य दिशेने सरकण्याची शक्यता आहे. त्याचा तामिळनाडू आणि श्रीलंकेवर लक्षणीय परिणाम होऊ शकतो, ज्यामुळे तिथे मुसळधार पाऊस पडतो आणि समुद्राची स्थिती बिघडू शकते.

हवामान खात्याने २६ नोव्हेंबर रोजी तामिळनाडू, पुद्दुचेरी आणि कराईकलमध्ये अतिवृष्टीचा ऑरेंज अलर्ट जारी केला आहे. या कालावधीत, पाऊस 115.6 मिमी ते 204.4 मिमी दरम्यान पडू शकतो. या कमी दाबाच्या क्षेत्राचे चक्री वादळात रुपांतर झाल्यास ते फेंगल म्हणून ओळखले जाईल.

हे नाव सौदी अरेबियाने दिलेले नाव असेल. काही काळापूर्वी दाना चक्रीवादळही आले होते, ज्यामुळे प्रचंड विध्वंस झाला होता. फेंगल हे या मोसमातील दुसरे चक्रीवादळ ठरणार आहे. हवामानशास्त्रज्ञ अजूनही त्याच्या नेमक्या मार्गाचा अभ्यास करत आहेत, परंतु असे मानले जाते की ते चेन्नईचा किनारा ओलांडू शकेल.

दक्षिण भारतातील अनेक राज्यांमध्ये मुसळधार पाऊस पडत आहे. तमिळनाडूमध्ये 21 आणि 25, 26, 27 नोव्हेंबर रोजी, तटीय आंध्र प्रदेश, 26 आणि 27 नोव्हेंबर रोजी यानम, 21, 26 आणि 27 नोव्हेंबर रोजी केरळ आणि माहे, 26 आणि 27 नोव्हेंबर रोजी रायलसीमा येथे मुसळधार पावसाची शक्यता असल्याचे हवामान खात्याने म्हटले आहे.

महाराष्ट्रात कसे राहणार हवामान?

येत्या काही दिवसांनी आपल्या महाराष्ट्रात देखील पावसाची शक्यता आहे. राज्यात उद्यापासून अर्थातच 23 नोव्हेंबर पासून ढगाळ हवामान राहील आणि 26 नोव्हेंबरपासून राज्यातील काही भागांमध्ये तुरळक ठिकाणी झालाच तर अगदीच किरकोळ स्वरूपाचा पाऊस होणार असा अंदाज आहे. म्हणजेच महाराष्ट्रात फारच किरकोळ पाऊस होणार आहे. तथापि ढगाळ हवामानाची आणि पावसाची शक्यता लक्षात घेता राज्यातील थंडीची तीव्रता काही दिवस कमी होणार आहे.