Gold Market Update: सोन्याचा भाव उंच उंच उडणार! 2025 मध्ये प्रतितोळा 1 लाख? सोन विकू नका.. नाहीतर होईल नुकसान?

Gold Price Today:- गेल्या काही दिवसांपासून भारतासह आंतरराष्ट्रीय बाजारात सोन्याच्या किमतींमध्ये मोठी वाढ होत आहे. सध्या २४ कॅरेट सोन्याचा भाव प्रतितोळा ८७ हजारांवर पोहोचला असून, आगामी काळात तो आणखी वाढण्याची शक्यता तज्ज्ञांनी वर्तवली आहे. डॉलरच्या तुलनेत रुपया कमजोर होत असल्याने आणि आर्थिक अस्थिरतेच्या पार्श्वभूमीवर गुंतवणूकदार सुरक्षित पर्याय म्हणून सोन्याच्या खरेदीकडे वळत आहेत. त्यामुळे २०२५ मध्ये सोन्याचा भाव प्रतितोळा एक लाख रुपयांच्या घरात जाऊ शकतो का, याबाबत अनेक तर्क-वितर्क लावले जात आहेत.

सोन्याच्या किमती वाढण्यामागील कारणे

सोन्याच्या किमती वाढण्यामागे अनेक महत्त्वाची कारणे आहेत. आंतरराष्ट्रीय स्तरावर आर्थिक अनिश्चितता, शेअर बाजारातील अस्थिरता आणि वाढती महागाई यामुळे गुंतवणूकदारांनी सोने खरेदीला प्राधान्य दिले आहे. विशेषतः जगभरातील केंद्रीय बँका मोठ्या प्रमाणावर सोन्याचा साठा करत असल्याने त्याच्या किमती वाढत आहेत. अमेरिकेतील ताज्या आर्थिक आकडेवारीनुसार उत्पादक किमतींच्या निर्देशांकात मोठी वाढ झाली आहे, ज्यामुळे महागाई वाढण्याचा अंदाज वर्तवला जात आहे. त्याचबरोबर, यूएस फेडरल रिझर्व्हने व्याजदर कायम ठेवण्याची शक्यता असल्याने, सोन्याच्या किमतींवर दबाव कायम राहणार आहे.

सोन्याच्या दरवाढीचे आणखी एक महत्त्वाचे कारण म्हणजे भू-राजकीय तणाव आणि व्याजदरातील बदल. रशिया-युक्रेन युद्धाच्या काळात रशियन बँकांनी मोठ्या प्रमाणावर सोने खरेदी केले, ज्याचा परिणाम आंतरराष्ट्रीय बाजारात दिसून आला. तसेच, चीनसारख्या देशांनीही आपल्या साठ्यांमध्ये वाढ केल्याने सोन्याच्या मागणीत झपाट्याने वाढ झाली. गोल्डमॅन सॅक्सच्या अहवालानुसार, जागतिक मध्यवर्ती बँकांकडून अपेक्षेपेक्षा जास्त सोन्याची खरेदी केली जात आहे. त्यामुळे २०२५ मध्ये सोन्याचे दर आणखी वाढण्याची शक्यता आहे.

भारतातील स्थानिक बाजारपेठेतही सोन्याच्या वाढत्या किमतीचा प्रभाव दिसून येत आहे. विशेषतः लग्नसराईच्या काळात सोन्याच्या दरांमध्ये वाढ झाल्याने ग्राहकांनी खरेदीवर आळा घातला आहे. काही ग्राहकांनी सोन्याच्या वाढलेल्या किमतींमुळे खरेदी टाळण्याचा निर्णय घेतला आहे, तर चीनसारख्या देशांमध्ये विक्री वाढवण्यासाठी सराफा विक्रेत्यांकडून विशेष सवलती दिल्या जात आहेत.

पुढील काही महिन्यात सोन्याच्या दरात चढ उतार

तज्ज्ञांच्या मते, पुढील काही महिन्यांत सोन्याच्या किमतींमध्ये मोठे चढ-उतार दिसून येऊ शकतात. सोन्याची किंमत २०२५ मध्ये प्रतितोळा एक लाख रुपयांपर्यंत पोहोचू शकते, परंतु यासाठी महागाई, डॉलरची स्थिती आणि आंतरराष्ट्रीय घडामोडी कशा घडतात, यावर बरीच परिस्थिती अवलंबून आहे.

इतिहास पाहता, आर्थिक संकटाच्या काळात गुंतवणूकदारांनी सोन्याकडे सुरक्षित पर्याय म्हणून पाहिले आहे. २००८ च्या आर्थिक संकटात, २०२० मध्ये करोना महामारीच्या काळात आणि २०२२ मध्ये रशिया-युक्रेन युद्धाच्या दरम्यान सोन्याच्या किमतींमध्ये मोठी वाढ झाली होती.

गोल्डमन सॅक्सच्या अंदाजानुसार, जर केंद्रीय बँकांनी सोन्याच्या खरेदीचा वेग असाच कायम ठेवला, तर पुढील काही वर्षांत सोन्याच्या किमती ९% पर्यंत वाढू शकतात. मात्र, फेडरल रिझर्व्हने व्याजदरात वाढ केल्यास, सोन्याच्या किमतींवर दबाव येऊ शकतो. जर अमेरिकेत महागाई वाढली आणि डॉलर मजबूत झाला, तर सोन्याच्या दरात काहीशी घसरण होण्याची शक्यता देखील नाकारता येत नाही. त्यामुळे सोन्यात गुंतवणूक करण्यापूर्वी भविष्यातील आर्थिक परिस्थिती आणि आंतरराष्ट्रीय घडामोडी लक्षात घेणे आवश्यक ठरणार आहे.