नऊ गुंठ्यात विक्रमी ३० टन ऊस उत्पादन ! शेतकऱ्याने दिला आदर्श

Farmer Success Story : देवराष्ट्रे (ता. कडेगाव) येथील प्रगतिशील शेतकरी उत्तम धनाजी शिरतोडे यांनी अवघ्या नऊ गुंठे क्षेत्रामध्ये तब्बल ३० टन उसाचे विक्रमी उत्पादन घेतले आहे. विशेष म्हणजे, त्यांनी हा उच्च उत्पन्नाचा नवा विक्रम अत्यंत कमी खर्चात आणि योग्य नियोजनाच्या जोरावर साध्य केला आहे.

कमी खर्चात अधिक नफा – नवा आदर्श!

सध्या शेतीमध्ये उत्पादन वाढवण्याच्या स्पर्धेमुळे खते, औषधे आणि इतर इनपुट खर्च गगनाला भिडत आहेत. मात्र, याचाच विचार करून उत्तम शिरतोडे यांनी कमी खर्चात अधिक उत्पादन मिळवण्याच्या तंत्रावर भर दिला. परिणामी, त्यांच्या शेतातील ऊसाच्या वाढीमध्ये लक्षणीय वाढ झाली आणि एका गुंठ्यात सरासरी ३ टन उत्पादन नोंदवले गेले.

यशस्वी शेतीचे रहस्य – नियोजन व मेहनतीची जोड

ऊस लागवडीच्या सुरुवातीच्या टप्प्यात मेहनतीसह योग्य खत व्यवस्थापन केले गेले. त्यांनी सुनियोजित पद्धतीने खते व तंत्रज्ञानाचा वापर करून ५६ कांडींची ऊस वाढ साध्य केली. ही वाढ पाहता कमी क्षेत्रात अधिक उत्पादन मिळवण्याचा नवा आदर्श निर्माण झाला आहे.

शेतकऱ्यांना प्रेरणा – कमी क्षेत्रातही भरघोस उत्पादन शक्य!

उत्तम शिरतोडे यांनी अत्यल्प भांडवलात संशोधित पद्धती, मेहनत आणि नियोजनाचा मिलाफ साधत कमी क्षेत्रात विक्रमी उत्पादन घेता येते, हे सिद्ध केले आहे. त्यांची ही यशोगाथा इतर शेतकऱ्यांसाठी प्रेरणादायी ठरणार आहे.