Agriculture Technology: ड्रोन पायलट होऊन 50 हजारपेक्षा जास्त पगार मिळवा… ‘या’ 10 स्टेप्स फॉलो करा

Agriculture Technology:- ड्रोन तंत्रज्ञानाचा उपयोग आज विविध क्षेत्रांमध्ये मोठ्या प्रमाणावर होत असून, त्यामधून करिअर करण्याची संधी मोठ्या प्रमाणात उपलब्ध झाली आहे. पूर्वी केवळ मनोरंजनासाठी वापरण्यात येणारे ड्रोन आता कृषी, सुरक्षा, सर्वेक्षण, छायाचित्रण, व्हिडिओग्राफी आणि लॉजिस्टिक्स यांसारख्या क्षेत्रांमध्ये महत्त्वाची भूमिका बजावत आहेत.

विशेषतः कृषी क्षेत्रात खते आणि कीटकनाशकांची फवारणी करण्यासाठी, तसेच उद्योगधंद्यांमध्ये मालवाहतुकीसाठी ड्रोनचा वापर केला जात आहे. यामुळे प्रशिक्षित ड्रोन पायलटसाठी मोठी संधी निर्माण झाली आहे. जर तुम्हालाही ड्रोन पायलट म्हणून करिअर करायचे असेल आणि या क्षेत्रात उज्ज्वल भविष्यासाठी संधी शोधत असाल, तर योग्य प्रशिक्षण आणि परवाना मिळवणे आवश्यक आहे.

ड्रोन पायलट म्हणजे काय

ड्रोन पायलट म्हणजे अशी व्यक्ती जी ड्रोन उडवण्याचे आणि नियंत्रित करण्याचे प्रमाणित प्रशिक्षण घेते आणि अधिकृत परवाना मिळवून विविध क्षेत्रांमध्ये व्यावसायिक सेवा पुरवते. भारतात ड्रोन उडवण्यासाठी नागरी उड्डयन महासंचालनालय (DGCA) च्या मान्यतेने परवाना आवश्यक असतो.

ड्रोन पायलट होण्यासाठी आवश्यक पात्रता

ड्रोन पायलट होण्यासाठी किमान पात्रता म्हणून उमेदवाराने दहावी उत्तीर्ण असणे गरजेचे आहे आणि त्याचे वय 18 ते 65 वर्षांच्या दरम्यान असावे. तसेच, चांगली दृष्टीक्षमता आणि कोणत्याही गुन्हेगारी पार्श्वभूमीचा अभाव आवश्यक आहे. ड्रोन पायलट प्रमाणपत्र मिळविण्यासाठी भारत सरकारद्वारे मान्यताप्राप्त प्रशिक्षण केंद्रातून ड्रोन प्रशिक्षण घ्यावे लागते आणि यानंतर डिजिटल स्काय पोर्टलवर ऑनलाइन अर्ज करून परवाना मिळवावा लागतो.

ड्रोन प्रशिक्षण कुठे दिले जाते?

या प्रक्रियेसाठी ₹100 शुल्क आकारले जाते. भारतात अनेक DGCA मान्यताप्राप्त प्रशिक्षण संस्था उपलब्ध आहेत, जसे की बॉम्बे फ्लाइंग क्लब (मुंबई), तेलंगणा राज्य विमानन अकॅडमी (हैदराबाद), अ‍ॅम्बिशन फ्लाइंग क्लब (अलीगड), फ्लायटेक एव्हिएशन अकॅडमी (सिकंदराबाद), इंदिरा गांधी राष्ट्रीय विमान वाहतूक अकॅडमी, रेडबर्ड फ्लाइट ट्रेनिंग अकॅडमी (बारामती), अल्केमिस्ट एव्हिएशन (जमशेदपूर), अलायन्स युनिव्हर्सिटी (बंगळुरू), फोर इन्स्टिट्यूट ऑफ ड्रोन टेक्नॉलॉजी (गुरुग्राम) आणि माधव इन्स्टिट्यूट ऑफ टेक्नॉलॉजी अँड सायन्स (ग्वाल्हेर).

लागणारे प्रशिक्षण शुल्क

प्रशिक्षण शुल्क साधारणतः ₹65,000 ते ₹1 लाख दरम्यान असते, ज्यामध्ये ड्रोनचे प्रशिक्षण, सिम्युलेटरवर सराव आणि परवाना अर्ज प्रक्रिया समाविष्ट असते. ड्रोन पायलट म्हणून करिअर सुरू केल्यास, सुरुवातीला प्रति महिना ₹30,000 ते ₹50,000 इतकी कमाई होऊ शकते, तर अनुभवी ड्रोन पायलटसाठी हा पगार ₹1 लाख ते ₹2.5 लाख प्रतिमहिना पर्यंत जाऊ शकतो. याशिवाय, फ्रीलान्स ड्रोन पायलटना प्रति प्रोजेक्ट ₹5,000 ते ₹50,000 पर्यंत मिळू शकतात. भारतात ड्रोन तंत्रज्ञानाचा वापर वाढत असल्याने भविष्यात ड्रोन लॉजिस्टिक्स, एरियल मॅपिंग, एरियल सिक्युरिटी आणि इको-फ्रेंडली वाहतूक क्षेत्रात मोठ्या प्रमाणात रोजगार उपलब्ध होण्याची शक्यता आहे. त्यामुळे, योग्य प्रशिक्षण आणि परवाना मिळवून या क्षेत्रात करिअर करणे फायदेशीर ठरू शकते.